Mìt Tampf ìscht s Bȁȁndli gfaare
ì miiner Jugedzit,
en gmüetlige Tösstaaler,
wo’s ȁbe nȕme gìt.
Doch nȁi, nȕd ganz verschwùnde
ìscht die Romantik hȕt,
wìlls nȁmli z Ùschter ùne
no en Tampfbaanverȁin gìt.
Di alti Lokremise
dienet als Wërchschtatt no,
de Choli ùnd s Glettise
wëërded gwaartet doo.
An Sùmmerwùchenȁnde
tampfets ȕber Bȁȁretschwiil,
mit Chole no ìm Tënder
zwȕschet Baumen ùnd Hiwiil.
[ 21 ]