«Früe im Joor» verzelt vo ȁifache Puurelüüt, Handwërchere, Fabrìkante, Chrȍȍmeren ùnd Rȁisende, vo Fuerlüüt ùnd Ùmelauffichnȁchten ìm Zȕri Oberland, vo de Gschìcht vom Döörfli Oberholz, vonere Ziit, wo's ìm Doorf Wald no Brouereien ùnd Iischȁller, mee als ȁi rìchtigi Metzgerei, Schüüren ùnd Schtȁll ggëë hȁt, wo sich ìm «Cooperativo» z Zȕri ìne no iluschtri Anarchìschten ùnd Revoluzzer d Tȕȕrfalen ì d Hand ggëë hȁnd, ùnd wo's no fȕr suschpȁkt aaglueget woorden ìscht, wȁmmer regelmäässig ìs Ùssland telifoniert hȁt...
Mìt eme faarbige Schtruuss vo Gìdicht sìngt de Ghȁischt Hërmi über de Lauf vom Joor ùnd verzelt vom prȁchtige Riichtùm vo de Natuur ì sinere chliine Wȁlt ùf ùnd rùnd ùm de Hoof «Ghȁischt» a de Grȁnze zùm Kanton Sanggalle.
Macht Ìne die trüeb Hërbscht- und Wìnterschtìmig z schaffe? – Doodegȁge gìts e guets Huusmìtteli: Brìnged Si mìt «Früe im Joor» e paar Sùneschtraalen ùnd lȁbigi Faarbtùpfer ìn allne mögliche Grüen- ùnd Gȁȁltöön ìd Tùnkelhȁit ie!
Wetted Si en Blick ìs Buech tue?
Doo chönd Si e paar Uuszȕȕg als PDF abelade...
Si chönd mìt öisem Kontaktformulaar oder telifoonisch pschtele.