Wȕssed Si fȕr waas das mer «Hȁideschwùmmchruut» chan bruuche? Ùnd was e «Bȁischtampfi» ìsch? Wie hȁnd d Buebe früener «Chüelis» gschpìlt, wo's no kȁ PlayStation ùnd ekȁi iPads, ja no nöd emool Legoschtȁi ggëë hȁt? Wie hȁt der Alltaag vomene Schtaatsföörschter ìm Töösswald ùm di vorletscht Joorhùnderwȁndi uusgsee? Wie ìsch s Elȁktrisch zùm eerschte Mool ìd Hüüser vo de meebessere Walder Bȕrger iechoo?
Daas ùnd no mȁngs mee wììrt verzelt ìm zwȁitletschte Buech vom Ghȁischt Hërmi, mìt Lȁbeserìnnerige, Anekdoote, Gìdìcht ùnd Porträ, verfasst ì de Mùndaart vom Zȕri Oberland.
Doo chönd Si e Lȁsiproob abelade (pdf)
Si chönd mìt öisem Kontaktformulaar oder telifoonisch Büecher pschtele.
Au bìm Hȁimetwërch Zȕri Oberland ìsch das Buech vermuetli no verfüegbaar:
HEIMATWERK ZÜRI OBERLAND
Bahnhofstrasse 7
CH-8494 Bauma
D Chaarten ùf Google Maps aazȁige!