Rùndùmm ìm Doorf de Flìder blüet
ùnd schmöckt so hërrli süess,
gìt der Freud ì Hërz ùnd Gmüet
wo lang aahalte müesst.
De Wald ìscht grüen scho zoberscht ue
de Sùmmer mȍcht bald choo.
Lass diini Soorgen jetzt ì Rue,
vergȁssen und vergoo!
Lass d Helli au ìd Schtùben ie
a dem hȁitre Taag.
Ali Trüebsal sell verzie,
wo dich bìlaschte mag!
Rùndumm ìm Doorf de Flìder blüet
und schmöckt so hërrli süess,
gìt der Freud ì Hëërz und Gmüet
wo lang aahalte müesst!