Am Moorge froo aafange,
em Mìttag wacker schaffe.
Ùfs Ruebe zoobig plange,
ziitli Fiiroobig mache.
En Tageslauf, en guete,
grad Joor ii ùnd uus.
Ìscht jedem zuezmuete,
Anders wäär en Gruus.
D Ziit halt guet iitȁile,
wie’s chùnnt d Arbet nëë.
Sich ùnderwȁgs bìȁile
ùnd ìmmer s Beschti gëë.
So wììrt mȁngs ȕberduure,
au no ì fërner Ziit.
Wȁnn vo de Lȁbesschpuure
nù no d Erìnnerig bliibt.