Hùndertfȕfzg Joor schtoot si scho
mìt schwëëre tìcke Muure,
ùnd gschaffet wììrt au ìmmer no,
mag woll no ȕberduure.
Aber ì der nöije Ziit
gits kȁi ›Baueligs‹ me.
De Name ›Saagerȁi‹ doo bliibt
en guete Tȁil vom Doorf persee!
En anderi Ziit ùnd anderi Sache,
modërni, nöiji Tëchnologii,
tuet mer plaanen ùnd ërschaffe,
vìll Chroom ùnd Schtaal ìscht doo derbii.
Kompiuuter, ùnd elektroonisch gschtüüret
wëërded all die Aggregaat,
zùm Hȁize wììrt drìn nȕme gfüüret,
s Elȁktrisch wäärmt jetzt gnau ùfs Graad.
Das d Biologii schtìmmt,
sìnd ali a der Aarbet,
was vìll Ziit ìn Aaschpruch nìmmt
a Chraft ùnd au Bìgaabig.
Ùnd Fùrtschrìttsglaube ghöört derzue,
zùm öiseri Wȁlt bìwege!
Zùm fȕr d Zuekùmft s Beschti tue,
bìmüet sich wäärli jedes.