Mȁngs Mool ìschs, wȁnn’t no ’re Quȁle grabscht
zmool brìcht si uuf, ùnd flüüsst ùnd flüüsst!
Ùnd wìder mùnter schriibe magscht,
wȁnn s Lȁbe nöiji Sprösslig schüüsst!
Es schprudlet mùnter Satz a Satz
ùnd riimt sich zletschte zȁme.
Öppen ìschs e rȁchti Hatz
wo si nȕd loot verdrȁnge.
Jetzt ìsch es doo ùnd waartet druuf
z wëërde Vërs ùnd Gschìchte.
Verschloot mer öppe fascht de Schnuuf,
vo so vìll Sache z prìchte.
Glii wiirts dȁnn verwooret sii
modërn ìn ere Diskette.
Brodlet no wie jùnge Wii
das woogeni doo z wette.