Deet lìnggs vom alte Schwoobewȁȁg
en alti Bùùrgruiine schtoot,
Zwȕschet Plattebach und Pìlgerschtȁȁg,
wo’s em Taal etgȁge goot.
Zùm Schùtz vom Pìlger seig si gsii,
föifeggig ùnd kȁi groossi Sach.
Vìll Volch ìscht choo vorbii,
dùrab zùm wìlde Bach.
Sogaar zwȁi Ballike hȁts schiints
ghaa am Wȁȁg doo abe,
bìm ùndere faart de Zùùg preziis
zmìtzt dùr der ùsser Grabe.
D Bùùrge sìnd lang verfale,
de ›Jakobswȁȁg‹ gìts ìmmer no.
Es wërded zwoor vor alem
nù no Wanderer dohëre choo.
Jetzt aber ghöört mer ȕberall,
s Wallfaare wëërdi wìder choo.
Ùf em Jakobswȁȁg ȕber Bëërg ùnd Taal,
ùf Ȁisidlen ùnd Santiago z goo.