Hȁscht di au scho bsùne,
wie’s früener ìscht gsii?
Wo zeerscht s Wasser am Brùne
z holen ìscht gsii,
seb mer hȁt chöne
sich wȁschen ùnd choche.
Das gääb hȕt es Chlööne,
Schtöönen ùnd Grochse.
Vergange sìnd sìder
eerscht guet 80 Joor,
chùnt aber ìmmer wìder
mìr z Nacht mȁng Mool voor.
Im Vierzȁȁni s Wasser ìd Chùchi,
Fȕfzȁȁ, s Elȁktrisch ìs Huus.
Was es ȁcht ȁ no bruuchi?
Daas chömm dȁnn uus.
Ìm 32i en Radio,
Herr Jemmer - Hërrjee –
das hȁt es Haloo
ìd Schtùbe ggëë!
Mȁngs ìscht hȕt besser
als siiner Ziit,
aber ȁigetli sett mer
au ȁndere d Lüüt.