Bìn em Waldrand gsȁsse,
han s Taal uus vor mi ane gsùne
ùnd rìngsùmm alls vergȁsse,
vor luuter sìne – schtuune.
Bìs i zmool nȕd wiit vo doo
zwoo Gȁmse gseene wȁide,
ùnd es hȁt mi wùnder gnoo,
es Wiili z gsee die bȁide.
Gaar nȕd lang, so sìnds sȁchsi.
sìbe – acht – es Dotzed gsii,
Zwȁi, di chliinschte, hüürig Jùngi
ergötzed si em froohe Schpììl.
I hȁ gwȕss e halbi Schtùnd
zueglueget ùnd mi ase gfreut,
das niemert s Wȁȁgli fȕrechùnnt,
won ali het verscheucht.
Wien i dȁnn zùm Wald uus goone,
hȁnds mi gmërkt ùnd sìnd echli
der Hööchi zue entfloohe,
bìs ich dȁnn verschwùnde bì.
Hȕttchopf, Dez. 49
[ 54 ]