Vor fȕfzg Joor bìni doo gsii,
ìm fȁldgraue Gwȁndli elȁi,
Hȁ d Bëërgwȁlt ghaa ganz fȕr mii
mìt Bluemen ùnd glìtzrige Schtȁi!
Dùnen ìm Taal de jùng Rhii,
es tüecht mi, ich ghöören ruusche.
Deet ȁne s Maighelstaal ii
ùnd gȁgem Tomasee ufe.
E sȁlteni Schtìlli rìngsùme
ȕber de Bëërg, well en Sȁȁge!
S Tavetschtal tüüf ùne
ìscht voll ì de Sùne glȁȁge.
Doo drȕber sìnd miini Sìne
wiit ìd Wȁlt use ggange,
ùnd ìm Ìnnerschten ìne
hȁt mi e Weemuet ùmfange.
Ùnd no hȕt no 50 Joore
blüets no ȁischter gliich.
Kȁis Blüemli glaub ìscht verloore
ùnd freut ìmmer no diich ùnd miich.