«Gottgrüezi» – hȁt mer amel gsȁit
ùnderwȁgs ìm Oberland.
Vìli hȁt das Grüesse gfreut
ìm Wërchtig- oder Sùndigsgwand.
Zrùgghalted gȁge Frönde zwoor,
frȕntli mìt allne gliich.
Kȁin Ùnderschììd – fȕrwoor –
au zwȕschet aarm ùnd riich.
Die Ziite sìnd verbii, o jee!
Sìd Joore lȁider scho,
zwoor looni mer’s no hȕt nȕd nëë
mìt eme Gruess de Lüüt z verkoo.
Ich kȁne drùmm au mȁngi no
wo vìlen andere frönd.
So nameloos dùr d Schtroosse goo
wäär s Letschti won ich chönnt.