Vor fȕfzg Joor bìni doo gsii,
ìm fȁldgraue Gwȁndli elȁi,
Hȁ d Bëërgwȁlt ghaa, ganz fȕr mii,
mìt Bluemen ùnd glìtzrige Schtȁi!
Dùnen ìm Taal de jùng Rhii,
es tüecht mi, ich ghöör en ruusche,
Deet ȁne s Maighelstaal ii
und gȁgem Tomasee ufe.
E sȁlteni Schtìlli rìngsùme
ȕber de Bëërg well en Sȁȁge.
S Tavetschtaal tüüff ùne
ìscht voll ì de Sùne glȁȁge.
Doo drȕber sìnd mini Sìne
wiit ìd Wȁlt use ggange,
ùnd ìm Ìnnerschten ìne
hȁt mi e Weemuet ùmfange.